ساب الجنينه ما حبهاش
ومقلناش ايه السبب
الورد طار ويا الفراش
بقت السما الوان عجب
لبلاب وزاحف ع الحيطان
هربان من السور الحديد
يا مين يقول للفجر بان
الورد عايز يوم جديد
فايت عيدانه للخلا
جاب الخريف قبل الأوان
ف الصبح قام يبكى الندى
ويفيد بأيه كان اللي كان
ساب الجنينه وضلها
الورد مل اللإنتظار
طول عمره شارب مرها
ولا دقشى منها غير عكار
. ساب الجنينه
3 التعليقات:
جامدة جدا يا محمود
الله يبارك لك وللامام
الحقيقة المجموعة دى كلها جامدة جدا
وكنت مخبى عننا الحاجات دى ليه
صديق عزيز ....عمل المدونه وحط فيها معظم الشغل ...اسعدنى جدا اطلاعك على المدونه . وان شاء الله لما الديوان الجديد يطلع يكون لينا لقاء واهديك نسخه
إرسال تعليق