......... القاهره
سلام لكل الى حضر
من أهلها
حفله بهيجه للتاريخ
دوماً مقامه ف حبها
......... القاهره
بين السورين ... النحاسين
شغل الدهب والعطارين
شامم أريج المبخره
ريحة تاريخ
وبيتحرق فى المجمره
......... القاهره
مكتوب على صدر الديوان
عزه لمولانا الملك
فاضل । مؤيد . معتمد
مالك رقاب كل العباد
قاهر جيوش المعتدين
الطيب ابن الطيبين
مولانا كان فى الأصل كان
مملوك خصى
قوم لما مات اللحد كان
تحت رجلين المشايخ
فى القباب والأضرحه
حتى فى موته منظره
وجنبه شباك السبيل
ميه مورد وسلسبيل
اشرب ومش راح ترتوى
اشرب تاريخ القاهره
......... شوبش
0 التعليقات:
إرسال تعليق