الموت .....
مش موت ولا حاجه
ولا حلم ها يخونك ،
ولا أنسى ها يخوفك
يمكن ها تصعب عليه
ودمعته بتحن وهو بيموتك
والقبر ايه ؟
القبر جنه صغيره
القبر صندوق ستى فى المندره
وانا كنت متحير !
الموت بيجى ازاى ...؟
اتاريه خفيف ،
زى النسيم والطل
بيحط ويا المواسم وبيقطف الحبات
وتشوفه عينك وأنت متغمى ،
زى ضى نهار
يلعب مع عيالك فى صحن الدار
ويركبك مراجيح وبيطوحك
تمسك فى أيد الريح
كأنه صديق ،
ومن زمان يعرفك
الموت حنين ...
زى خالتي " سعاد "
يرقيك .. رقوة الوالدين ,
فـ عز الضنك
ويميل على الجته
ويحضن .. حضن !
ديماً مسافر ....
يلم ورد الروح فى بقجة سفر،
ويسلم الأحباب لموجة حزن .
0 التعليقات:
إرسال تعليق