قبل القصايد
كل الحروف متعلقه ع الشجر
بتميل وتطوح ........
والكون فراغ من أوله لأخره
وليله ونهاره بلا أوصاف
والشمس تطلع
،
تنور اللي
اسمها دنيا
تتمنى تلمح ضل لأي شئ موجود
الأرض تمشى وهيه واقفه مكسوفه
و ملخبطه الأوقات .......
وبعد كام مليون سنه
يخرج بن البشر
من كهوف ضلمه ،
زى بطن الحوت
يجمع ف قوته .... ،
ويرعى
فى الخيال والخوف
يمد أيده يقطف الكلمات
يعرف الأسماء
وينادى على روحه
فيرجعله صدى ،
يشرخ سكات وحدته
لملم فروع الكلام ف ليلة شتا
ورماها وسط النار
طاب الكلام ....
فداقوا ..... واستطتعم ....
من يومها ما بطلشى
يرغى .... ويسئل
وينشد قصايد وجع
تحت نور الشمس .
تمثال ثورة خيال : د . هشام عبد الله