يا تين الغلابه يا جميز يا عال
يا شهد ومكرر بطعم الحلال
يا وردى ف توبك زبونك قليل
لكنك مسكر ف بق الفقير
بتحلى وتحلى يا جميز اصيل
يا تين الغلابه يا جميز يا عال
رخيص ف حالك بشروه وطوره
دوا للمفلس ف عشوه وفطوره
تحلى اللي مرر فـ دنيا غريبه
يا تين الغلابه يا جميز ياعال
يا طايب بقالك سنين ع الشجر
نداك الطيابه وريقك عسل
يقولك زمانك .. سنين لم تمل ؟!
تقوله تخيل .. وعندي أمل
وطرحك علالى ولا فـ يوم يميل
مخاوى الشجر يا بن عم النخيل
فـ جرحك حلاوه وفرحك قليل
يا تين الغلابه يا جميز يا عال .
0 التعليقات:
إرسال تعليق